Түлкібас аудандық орталық ауруханасының хирург дәрігерлері шап жарығын (грыжа) лапароскопия (лазер) көмегімен емдей бастады. Хирург дәрігерлер мұндай ота түрін балаларға жасады. Айтуларынша, барлық ота сәтті өткен.
-Біздің ауруханадағы лапароскопиялық әдіс асқынбаған шап жарығын емдеудің алтын стандартына айналуда. Біз шап жарығы (паховая грыжа) бар науқастардың 90%-на лапароскопиялық операция жасауға тырысамыз. Өз жұмысымызда жоғары сапалы торлы импланттарын қолданамыз. Лапароскопияны қолдану пациенттер үшін тиімді. Өйткені, бұл ота түрі жарақат алу қаупін азайтып, оңалту уақытын қысқартуға мүмкіндік береді,- дейді дәрігерлер.
Лапароскопиялық хирургия шамамен бір сағатқа созылады. Сол күні пациенттер ауруынан айығып, орнынан тұра алады, 3-4 күнде олар үйге шығарылады. Ота Шымкент қаласындағы балалар хирург дәрігерімен бірге жасалынған.
