Мемлекет басшысының «Халық үніне құлақ асатын мемлекет» тұжырымдамасы аясында әкімдердің халықпен кездесуі жаңа бағытта өтіп жатыр. Биыл облыс бойынша 10 ай бойы барлық деңгейдегі әкімдер халықпен етене байланыс орната отырып, 6578 мәселені анықтаған. Кездесулерде халық тарапынан инфрақұрылым, әлеуметтік сала бойынша көптеген ұсыныстар мен сұрақтар қойылған. Бюджеттің мүмкіндігіне қарай айтылған көптеген мәселе өз шешімін тапқан. Бұл туралы орталық коммуникациялар қызметі алаңында облыстың әлеуметтік-экономикалық дамуы туралы есеп беру барысында облыс әкімі Дархан Сатыбалды мәлімдеді.
Түркістан облысы бойынша 140 ауылдық округі әкімдері сайланған. Сонымен қатар, 4 аудан әкімінің сайлауы өткен.
