АРАМЫЗДАҒЫ БАТЫР ҚАЗАҚ ЕЛІНЕН КЕШІРІМ СҰРАДЫ

Әлеужеліде «Сендер малсыңдар, қазақтар!» деп бейнежазба жариялаған жігітті полицейлер іздеп, Түркістан облысының 28 жастағы тұрғыны екенін анықтаған болатын. Енді ол азамат өзінің аузынан шыққан әр сөз үшін алаш жұртшылығынан кешірім сұрап, әлеуметтік желіге тағы да бейнежазба жүктеді. «Кешірім сұраймын» деп басталған үндеуде өзінің қателігін түсініп, ауызынан шыққан сөздерді байқамай қалғанын жеткізді. Қаны текті, жүрегі мықты Алаш елінің алдында тек бір кешірім емес, ата-анасы тарапынан да бейнежазба жарияланды. Көпшілік бұл қателіктің кешірілмеуін, қатаң жазаға тартылуын жарыса жазуда. Желі қолданушылары бұл дүние басқаларға да сабақ болсын деп өз ойларын жеткізуде.