АСТАНА-ШЫМКЕНТ БАҒЫТЫНДАҒЫ ПОЙЫЗ АПАТҚА ҰШЫРАДЫ

Астанадан Шымкентке бағытталған пойыз жол апатына ұшырады, — деп хабарлайды El-aina.kz сайтының тілшісі Massaget.kz-ке сілтеме жасап.
Желідегі мәлімет бойынша, екі теміржол қызметкері қаза тапқан. 21 қаңтарда сағат 7:27-де Шығанақ-Шоу учаскесінің Жиделі-Бірлік аралығында теміржол көлігінің екі қызметкерімен жазатайым оқиға орын алды. Салдарынан екі қызметкер қайтыс болды. Пойыз машинисі жедел тежеуді іске қосқанымен, алайда қайғылы жағдайдың алдын алу мүмкін болмаған.
«Барлық мән-жайды анықтау үшін оқиға орнына ҚТЖ комиссиясы барды. Тексеру басталды. ҚТЖ қызметкерлердің отбасыларына шын жүректен көңіл айтады және оларға қажетті көмек көрсетеді», — делінген ҚТЖ баспасөз қызметінің ресми жауабында.