ТҮЛКІБАС: «ДАРЫНДЫ БАЛАЛАРҒА — ТАЛАНТТЫ ҰСТАЗ» РЕСПУБЛИКАЛЫҚ ПЕДАГОГИКАЛЫҚ ОЛИМПИАДАСЫ ӨТТІ

Түлкібас ауданының білім бөлімі әдістемелік кабинетінің жылдық жоспарына сәйкес, Абай атындағы мектеп-лицейінің базасында жас педагогтер арасында «Дарынды балаларға- талантты ұстаз» республикалық олимпиадасының аудандық кезеңі өткізілді.
Олимпиаданың мақсаты — жас педагогтердің шығармашылық әлеуетін және өзін-өзі дамытуына жағдай жасау, білім беру жүйесін жетілдіруге мұғалімдердің кәсіби көзқарасын қалыптастыру. Педагогикалық олимпиадаға еңбек өтілі 5 жылдан аспаған педагогтер, тәлімгерлер қатысты.
Олимпиада ТЕD форматында өтті.
Жалпы олимпиадаға — 30 педагог қатысты.
Олимпиада ережеге сәйкес, педагогикалық шеберлік, әртістілігі, жалпы мәдениет, рефлексивтілік , нәтижелілігі бойынша критерийлермен, 10 баллдық жүйемен бағаланды.
Жас педагогтер өзін-өзі таныстыру кезінде шығармашылық жұмысты таныстыруда дайындақтарының жоғары екенін, өз жұмыстарының жетімтіктері мен сәтсіздіктеріне жан-жақты талдау жасай отырып, көрсете білді. Байқау өте қызықты, тартысты өтті.
Олимпиада қорытындысы бойынша, жүлделі орын алған қазақ тілі, орыс тілі, ағылшын тілі, тарих, математика, информатика, химия, биология, бастауыш сынып мұғалімдері, тәлімгерлер 2024 жылдың 15 ақпанында Түркістан қаласында өтетін облыстық кезеңге жолдама алды.