АЛМАТЫДАҒЫ КӨПҚАБАТТЫ ҮЙ ӨРТЕНДІ

Түнгі сағат екілер шамасында Бостандық ауданындағы 13 қабатты тұрғын үйдің екінші қабатындағы пәтер өртенді. Төтенше жағдай орын алған жерге қалалық ТЖД қызметкерлері дереу жетті, деп хабарлайды El-aina.kz сайтының тілшісі «Адырна» ұлттық порталына сілтеме жасап.
Өрт сөндірушілер тұрғындарды эвакуациялауға мәжбүр болды.
«Өрт сөндірушілер құтқару қақпағын пайдаланып 2 адамды аман алып қалды, 15 азамат эвакуацияланды. Сағат 02:39-да өрт сөндірілді. Зардап шеккендер мен құрбандар жоқ», — делінген хабарламада.
Бұл туралы Алматы қаласының Төтенше жағдайлар департаменті хабарлады.