ТҮЛКІБАС: «ПАРКТЕР ШЕРУІ 2024» ТАБИҒАТТЫ ҚОРҒАУ АКЦИЯСЫ ӨТТІ

ҚР Экология және табиғи ресурстар министрлігі Орман шаруашылығы және жануарлар дүниесі комитеті “Ақсу/Жабағылы мемлекеттік табиғи қорығы” республикалық мемлекеттік мекемесінің ұйымдастыруымен “Парктер шеруі 2024” табиғатты қорғау акциясы өтті. Оған “Ақсу/Жабағылы мемлекеттік табиғи қорығы”-ның директоры Қынтаев Сағит, аудан әкімінің орынбасары Ербол Орманов арнайы қатысты.
Шараның негізгі мақсатын мемлекеттік маңызға ие қорықтың қорғауындағы түрлі аң-құстардың мүсіндері, ауданның көрікті жерлерінің пейзаждары сөзсіз жеткізіп тұрғандай әсер берді. Сонымен қатар, мектеп оқушылары, аудан өнерпаздары әсем ән шырқап, түрлі флэш-мобтар билеп, шараның маңыздылығын арттырды деуге болады. «Бір тал кессең, он тал ек» акциясы аясында қорытындылай келе, аудан басшылығы мен қорық қызметкерлері ағаш егіп, ауданның гүлденуіне өз септіктерін тигізді.
Жастар «Тазалықты сақтайық», «Бір тал кессең, он тал ек» деп жазылған үндеу парақшаларын алып, Арбат бойында шеру жасап, тұрғындарды тазалыққа, табиғатты қорғауға шақырды.