ТҮЛКІБАС: ГРУЗИЯДА БАҚ СЫНАЙТЫН БОЛАДЫ

Түркістан облыстық «Фараб» ғылыми-әмбебап кітапханасында «Ақылды балаға – сыйлыққа Ақылдым» ақция-байқауы өз мәресіне жетті. Онда әр ауданнан облыстық финалға жолдама алған 18 бала сынға түсті. Байқау барысында қатысушы балалардың қиялынан туған ертегілер жазылған жинақтың тұсауы кесілді.
Үш кезең бойынша сайысқан қатысушыларға «Қызмет» газеті ЖШС директоры, «Серпіліс» қоғамдық қорының төрайымы Бейсенкүл Нарымбетова, журналист, профессор, композитор Бекжігіт Сердәлі, «Turkistan» телеарнасының продюсері Ұлмира Тоқсанбаева, ұстаз Әсел Бимырзаева, «Фараб» кітапханасының директоры Жанат Шардарбекова төрелік етті. Түлкібастық жас оқырман өзінің білімі мен тапқырлығын көрсетіп, жүлделі ІІ орыннан көрінді. Грузия еліне жолдама ұтып, сенім артқан жандар мен жетекшілерін шынайы қуантты.
Барлық қатысушларыға ҚР Оқу ағарту министрінің алғыс хаты табысталды.
Осылайша Түлкібас аудандық орталықтандырылған кітапханалар жүйесіне қарасты Тастұмсық ауылдық кітапханасының оқырманы Лала Кулеева тамаша жетістікке жетіп отыр. Алдағы уақытта да тұрақты оқырманымызға сенім артып, биік белестерді бағындыруына тілекшіміз.