ТҮЛКІБАС: ҚОҒАМДЫҚ КЕҢЕСТІҢ КЕЗЕКТІ ТӨРТІНШІ ОТЫРЫСЫ ӨТТІ

Аудандық қоғамдық кеңестің кезекті төртінші отырысы өтті. Оған тиісті бөлім басшылары мен қоғамдық кеңес мүшелері қатысты. Отырыста төрағалық еткен Ауылшаруашылық, кәсіпкерлік, көлік, байланыс және кәсіпорын жөніндегі комиссиясының төрағасы Жамалбек Қарабалаев болды. Күн тәртібінде төрт мәселе қаралды. Олар:
-Ауылдық округ аппараттарында мемлекеттік қызмет көрсету мерзімдерін,тәртіптерін, стандарттарының бұзылуына жол бермеу жолындағы жұмыситар туралы;
-Аудан көлеміндегі мемлекеттік және жеке меншік бала-бақшалардың тәрбие жұмыстарының жағдайы, балалардың ыстық тамақпен қамтылуы және санитарлық талаптардың орындалуы барысы туралы;
-Аудандық санитарлық-эпидемиологиялық қадағалау мекемесінің 2023 жылы атқарған жұмыстары мен кәсчіпкерлерді тексеру маратории алынған кезеңнен кейінгі 2024 жылғы іс-шара жоспарлары туралы;
-Састөбе кенті әкімінің өзіне жүктелген қызметтері мен міндеттерінің іске асырылуы жөніндегі есебі туралы.
Регламент бекітілгеннен кейін әр мәселе бойынша бөлім меңгерушілері мен тиісті округ әкімі баяндама оқыды. Әр баяндама тыңдалғаннан кейін қоғамдық кеңес мүшелері тарапынан түрлі сұрақтар қойылып, көтерілген мәселелер шеңберінде қажетті ұсыныстар да айтылды. Алдағы уақытта «Халықтық кеңсе» жұмысын жандандырып, мүмкіндігінше тұрғындарды ақпараттандыру қажеттігі айтылды. Бақытжан Қуанышбаев мырзаның тарапынан бала-бақша қызметтеріне зерделеу жұмыстарын жүргізіп, тиісінше жөндеуді қажет ететін ескі бала-бақшаларға көбірек назар аудару керектігі туралы ұсыныс түсті. Күн тәртібіндегі әр мәселе терең әрі нақты қаралған отырыс бір ауыздан бекітілді.