Түлкібас: Облыста шахматтан жүлделі ІІ орынды иеленді

ҚР Парламенті Сенатының қолдауымен 2024 жылы 13 сәуір — 29 тамыз аралығында Қазақстан шахмат федерациясы “Senat Open” шахмат турнирін ұйымдастырды. Бұл турнир облыс аумағында шахмат түрін дамыту ой-танымдық қабілеттін арттыру, жастардың спортқа деген қызығушылықтарын қалыптастыру мақсатында өтті. Турнирге әуесқой шахматшылар барлық деңгейдегі депутаттар, саяси қайраткерлер, қоғам белсенділер мен журналистер қатысты.
Осы турнирдің І кезеңінің Түркістан облысында өткен іріктеуіне қасиетті өлке Түлкібас ауданында бақ сынап, турнир төрінен көрінді. Аудандық мәслихат төрағасы Х.Байысбаев бастаған мәслихат депутаттары мен мәслихат аппаратының қызметкерлері және қоғам белсенділері қатысып, жүлделі ІІ орынды иеленді. Турнирге еңбек ардагері М.Мірқадыров, мәслихаттың аппарат басшысының міндетін атқарушы Б.Жақыпбеков, мәслихат депутаттары О.Көлбаев, Ә.Қалдыбеков және мәслихат қызметкерлері қатысты. Аудан намысын қорғап, мерейі тасыған ауданның халық қалаулыларын алдағы іріктеуден де жүлделі атануына тілектеспіз.