САДАҚ АТУДАН АЛҒАШ РЕТ САЙЫС ӨТТІ

Үш тілде оқытатын Дарын мамандандырылған мектеп интернатында садақ атудан жарыс өтті. Мақсат балаларды саулық кепілі спортқа баулып, шымыр ұрпақ тәрбиелеу еді. Бұл сайыс түрі аудандық білім ошақтары арасында алғаш рет Сакен Шардарбекұлының бастауымен Дарын мектебінде ұйымдастырылып отыр. Сайысқа төрелік етіп, жауаптылық танытып, балаларды баулыған дене шынықтыру пәнінің мұғалімі Н. Сихымбаев болды.
Оқушылар белсене бақ сынасқа сайыс өте тартысты әрі қызықты өтті. Алғаш рет өтіп жатқандықтан балалар тарапынан үлкен қызығушылық байқалды. Нәтижесінде ұлдар арасынан 1- орын Досанқұл Нұрмұхаммед, 2- орын Абдуанбай Олжас, 3-орын Қазақбай Бекзатқа бұйырды. Ал қыздар арасындағы сайыс қорытындысы бойынша 1-орын Мейрамбек Құралай, 2-орын Амирбек Меруерт, 3-орын Ербол Мариям иеленді.
Бала бойынша қабілет пен мергендікті, діттеген мақсатына жетуге деген көзқарасын нақтылайтын мұндай сайыс түрі әр білім ошағында жалғасын табады деп сенім білдіреміз.