Кірістер басқармасы балаларды құттықтады

1-маусым- халықаралық балаларды қорғау күні. Осы ретте Түлкібас ауданы бойынша Мемлекеттік кірістер басқармасында кішентай бүлдіршіндерге мерекелік көңіл-күй сыйлау үшін және балалар мен ата-аналар арасындағы қарым-қатынасты нығайту мақсатында «Бала-ата –ана өмірінің жалғасы» атты іс-шара ұйымдастырылды. Басқарма қызметкерлерінің балаларына ата-аналарының жұмыс барысын көрсетіп, ғимарат айналасына экскурсия ретінде таныстыру болды.
Басқарма басшысы Умиджан Халмурадов, балаларды 1-маусым «Халықаралық балаларды қорғау күнімен» құттықтап, іс-шараға белсене қатысқандары үшін Алғыс хат табысталып, сыйлықтар берілді. Ашық аспан, бейбіт өмір, бақытты балалық шақ, еліміздің адал да, білімді, Отан сүйгіш мақтанышы болуына тіледі. Балаларды қорғау күні –бұл тек көңілді мереке ғана емес, ол қоғамға қажеттілігін еске салу болып табылады. Әр баланың дені сау болып, ата-анасының қамқорлығында болса екен дейміз.
Барлық уақытта салық қызметі мемлекетіміздің экономикасындағы ең негізгі сала болып келеді және солай қала бермек. Кірістер басқармасы аудан экономикасының дамуына зор үлес қосқанымен қатар, ұлт болашағы жас бүлдіршіндерді мейрамдарымен құттықтауды ұмытпай, мерекелік күні естен кетпестей көңіл-күй сыйлады