ТҮЛКІБАС: ҚОҒАМДЫҚ КЕҢЕСТІҢ КЕЗЕКТІ ОТЫРЫСЫ ӨТТІ

Маусым айының 18-ші жұлдызында аудан әкімдігінің мәжіліс залында Қоғамдық кеңестің кезекті отырысы өтті. Өздеріңізге мәлім, аудандық Қоғамдық кеңесте күн тәртібіне белгіленген мәселелер бойынша аудандағы мекеме басшылары да әр отырыста өздерінің атқарып жатқан жұмыстарымен, шешімін таппай жатқан қандай да бір мәселені қоғам талқысына салып, бағыт-бағдар беріп, күрделі мәселерді жұмыла шешуге атсалысады.
Біріншіден қоғамдық кеңес мүшелерінің құрамын толықтыру жөнінде, екіншіден ауыл округтеріндегі кіші және орта кәсіпкерлікті дамыту бойынша баяндаманы аудан әкімінің орынбасары Асыл Нұрлыбай берді. Тастұмсық ауылдық округі әкімі Қайрат Сәрсенбаев өзіне жүктелген қызметтері мен міндеттерінің іске асырылуы жөнінде есеп берді. Аталған мәселелер аясында бөлім басшыларының баяндамалары тыңдалып, қатысушылар тарапынан сұрақтар қойылды. Баяндама негізінде жиынға қатысушылар баяндамашыға күн тәртібіндегі мәселелер бойынша сұрақтар қойып, ұсыныстар жасап, пікірлерін ортаға салды. Кезекті отырысты қоғамдық кеңесінің төрағасы Жамалбек Қарабалаев қорытып, әрбір ауылдағы өзекті мәселелерді бірлесе атқаруға шақырды.