ТҮЛКІБАС: АУДАН ӘКІМІ ОРТАЛЫҚ САЯБАҚТЫ ЖАНДАНДЫРУДЫ ҚОЛҒА АЛМАҚ

Аудан әкімі Аскар Естибаев орталық саябақтың жұмысын жандандыруды қолға алмақ. Осы мақсатта жауапты бөлім басшыларымен саябақтың аумағын аралап, негізгі мәселелер тізбегін жасақтады. Балалар ойын алаңшасын жарықтандырып, істен шыққан жарықшамдарды қайта қалпына келтіру жұмыстарын қадағалауды тапсырды. Демеушілер есебінен ескі ғимаратты қайта жаңғыртып, толық жөндеуден өткізіп, демалушыларға уақытын тиімді өткізу мақсатында шахмат клубын соғып, ардагерлердің бас қосуына ыңғайлы етіп ұлттық нақыштағы он төрт қанатты киіз үй үлгісіндегі нысан тұрғызу, ардагерлер үйін соғу барысы жоспарланып, бой көтеретін орындары зерделенді.