Жаңа білім беру жүйесі қалыптасады

«Ақ-бұлақ» облыстық балалар оңалту орталығына медициналық оңалту емін қабылдауға келген 3 және 18 жас аралығындағы балалар мен жасөспірімдердің үздіксіз білім алуын қамтамасыз ету мақсатында бастауыш, негізгі және жалпы орта білім беру көлемінде негізгі пәндер бойынша базалық тәртіпте білім беруді ұйымдастырудамыз.
Яғни, математика, қазақ тілі және әдебиеті, орыс тілі және әдебиеті, Қазақстан және дүние жүзі тарихы, жаратылыстану, география пәндері оқытылады. Математика пәні 1-4 және 5-11 сынып оқушыларына Qalan.kz математикадан интерактивті онлайн порталы арқылы өткізілуде. Аталған порталдың негізін қалаушы Асқар Болат мырза порталды бір жылға тегін пайдалануға қолжетімділігін қамтамасыз етіп, балалардың математикалық сауаттылық пәні бойынша білім алуына өз үлесін қосып, қолдау көрсеткені үшін алғысымызды білдіреміз. Qalan.kz Орталық Азиядағы ірі халықаралық технопарк «Astana Hub» резиденті. Еліміздегі 312 000 оқушы және 8,5 мың мұғалім осы порталды қолданады. Білім порталының ерекшелігі баланың қай тақырыпта қалып қойғанын диагностика жүргізу арқылы анықтау. Сол арқылы бағыттамалы тапсырмалар беріледі. Қазіргі сынып бағдарламасымен қатар алып жүру мүмкіндігі беріледі. Яғни, іс жүзінде көбірек есеп шығартуға көңіл бөлінеді. Егер есепті шығара алмаса, шешуін көре алады. Егер одан да түсінбесе, видео түсіндірмені қарай алады. Осылар көмектесе алмаса, мұғалімге хабарласып, онлайн көмек сұрай алады. Айып есебін алған жағдайда, бала ұмытып қалмауы үшін платформа сол тақырыпты есте сақтап, кейін қайталап беріп отырады.
Бүгінгі таңда ұйымда штаттық кестеге сәйкес тәрбиешілер қарастырылып, олардың барлығының негізгі мамандықтары (тарих, география, биология, химия, қазақ тілі мен әдебиеті, орыс тілі мен әдебиеті, бастауыш сынып мұғалімдері) жоғары білімді мұғалімдер болуына байланысты, білім беруді тәрбиешілеріміз атқарып келеді. Ұйым басшысының бастамасымен тәрбиешілеріміздің табанды еңбегі мен шығармашылық ізденіс-шеберлігі арқасында оқытуды қолға алып келеміз.
Сонымен қатар, сөйлеу тілінің күрделі бұзылыстары бар, тірек-қимыл аппараты мен есту қабілеті бұзылған және психикалық дамуы тежелген балалар мен жасөспірімдерге әлеуметтік-тұрмыстық бағдарлау, сөйлеу тілінің даму кемшіліктерін түзету, танымдық дамыту (жеке және кіші топтық сабақтар) сабақтарын өткізу мақсатында дефектолог, логопед, әлеуметтік педагог, педагог-психолог, монтессори педагогі, игротерапевт, музыкатерапевт және эрготерапия мамандары жұмыс атқарады.