КІТАП — сарқылмас қазына

«Кісілікті іздеген адам қолына кітап алады, кітап ұстаған адам — тағдыр жолында бақ құшады» деген қара сөздің алыбы Шыңғыс Айтматов. Осы ойды негізге алып, 23 сәуір — дүниежүзілік кітап және авторлық құқық күніне орай бүгін Олег Кошевой атындағы жалпы білім беретін білім мекемесінің кітапханасында Тастұмсық ауылдық кітапханасы, Олег Кошевой шағын жалпы білім беретін білім мекемесі, Түлкібас аудандық жастар ресурстық орталығы, Түлкібас аудандық қоғамдық келісім ММК бірлесіп, «Кітап — сарқылмас қазына» атты интелектуалды ойын сағаты ұйымдастырылды. Интелектуалды ойын сағатына М.Лермонтов атындағы жалпы білім беретін білім мекемесінің 10 сынып оқушыларынан құрылған «Заңғар» тобы кітапханашы Маргүл Бекетбаеваның жетекшілігімен қатысса, Олег Кошевой шағын жинақты жалпы білім беретін білім мекемесінің 10-11 сынып оқушыларынан құрылған «Қыран» тобы кітапханашы Тамаша Османованың жетекшілігімен бақ сынады. Ойын 4 кезеңнен тұрды. 1 бөлім — «Мен оқыған кітап». Сайын Мұратбековтың «Жабайы Алма» кітабы бойынша сұрақтар,екінші бөлім — «Тіліннен бал тамған шешенмін» тұрақты тіркестерді табу, үшінші бөлім — «Кітап және әлем» кітапқа қатысты қызықты деректерден құралған сауалдар, төртінші бөлім — «Сыр- сандықтағы бір сұрақ». Осы төрт бөлімде барлығы 107 сұрақ оқырмандарға қойылды. Әділқазылар алқасы жасақталып, әділ бағалары берілді. Ойында екі топ теңдей бағаға ие болды. Атаулы күнге байланысты кітапханашылар «Кітап — сана дамытушы құрал», «Авторлық құқықтың негізгі мәні мен шығармашылықтағы маңызы» атты қысқаша өз баяндамаларымен таныстырып өтті.
«Кітап -ұлы құндылықтар бастауы» атты кітап көрмесі жасақталып, оқырман назарына ұсынылды.