Белгілі шахматшы марапатталды

«Жасталап» шахмат клубының жетекшісі Сейдалиев Фархат–облысымызға белгілі шахматшылардың бірі. Қырық жылдық тәжірибесі бар шахматшы, бүгінде аудан бүлдіршіндері мен жасөспірімдерін ой ойынына баулып келеді. Фархат Әбдірахымұлы республикалық «Еселі еңбегі үшін» медалімен марапатталды.
«Ұстаз мәртебесінің нышаны ретінде берілген марапат балаларды баулу жолында жігер сыйлайды” дейді үйірме жетекшісі. Қазіргі таңда 20-ға жуық шәкірт тәрбиелеуде. Сонымен қатар, республикалық, облыстық байқаулардың жеңімпазы атанған. Бүгінде шәкірттері де бәйгелерден оза шауып, ұстазының мерейін асырып жүргеніне куә болып келеміз.
Фархат Әбдірахманұлын кезекті марапатымен құттықтай отырып, қызметіне табыс, толайым жетістіктер тілейміз.