ҰСТАЗ — ЖАС ҰРПАҚТЫҢ РУХАНИ СӘУЛЕТКЕРІ

Қазақстан Республикасы Білім және ғылым министрлігі және жоғары өкілетті органдар тарапынан берілген тапсырмаларына сәйкес ауданымызда 2024-2025 жаңа оқу жылына дайындық бойынша бірқатар жұмыстар атқарылды. Биылғы жылы білім беру мекемелерінің материалдық техникалық базасы нығайды деуге толық негіз бар.
Жалпы орта білім беру жалпы мектептер саны – 61 (1-жекеменшік), онда 23611 оқушы оқиды. Жалпы орта мектеп – 46 (23011), негізгі орта мектеп – 5 (457), бастауыш мектеп – 9 (143), 1 мектепте А.Макаренко атындағы ЖОМ жанында мектеп-интернаты жұмыс атқарады, онда 110 оқушы тәрбиеленіп, білім алуда. 60 мектептің 51- типтік, 9-ы ыңғайластырылған. Үш ауысымда оқитын мектеп жоқ.
Мектепке дейінгі тәрбие мен оқыту бойынша ауданда 51 мектепке дейінгі ұйымдар жұмыс жасайды.
Оның ішінде 15 мемлекеттік балабақшада –2020 бала, 33 жекеменшік балабақшада — 3793 бала, 3 шағын орталықта-80, барлығы 5893 бала тәрбиеленеді. Балабақшада 652 педагог, 682 кіші қызметкерлер жұмыс жасайды. 652 педагогтің ішінде жоғары білімдісі-591, орта арнаулысы -61.
Балаларға қосымша білім беру оқушылардың бос уақыттарын тиімді пайдалану құқықтарын жүзеге асыру мақсатында аудандандық «Балалар өнер» мектебінде — 527 бала, «Жас туристер станциясы» — 444 оқушы, «555» Білім беру орталығында — 405 оқушы, «Ақмейір» білім беру орталығы -200 бала қосымша білім алуда. Барлығы қосымша білім мекемелерінде 1576 бала қамтылған.
Білім беру мекемелерінде 3891 бала спорттық үйірмелермен, 23611 оқушының 15565 оқушысы қосымша білім берумен қамтылған. Аудан бойынша екі қосымша білім беру мекемесі жұмыс жасайды. Олар «Балалар өнер мектебі» мен «Жас туристер станциясы».
Білім саласы қызметкері Түлкібас ауданының білім бөліміне қарасты білім беру ұйымдарында 2023-2024 оқу жылында барлығы – 3177 педагог қызметкерлер еңбек етеді.
Жоғары білімді педагогтар саны – 3152 (99%); Орта арнаулы білімді педагогтер -25(1%); Ал 2024-2025 оқу жылында – 955 педагог курспен қамту жоспарлануда.
Оқушылардың олимпиадасы 2023-2024 оқу жылында алғаш рет 9-11 сынып оқушылары арасында Ауыл олимпиадасы өткізілді. Аудан мектептерінен жалпы 642 оқушы қатысып, 317 оқушы облыстық жүлдегер атанды. Республикалық ауыл олимпиадасына 6 оқушы қатысып:1 оқушы -І орынға, 4 оқушы — ІІ орынға және 1 оқушы Алғыс хатқа ие болды.
2023-2024оқу жылында 7 оқушымыз облыстық кезеңге жолдама алып, оның 7-де облыс жүлдегерлері атанды:
Бейнебақылау камералары мектепке дейінгі ұйымдарға 590 бейнебақылау камераларымен 100% жабдықталған. Оның ішінде сыртқа орнатылған камера саны – 166 / 28,1%, ішке орнатылған камералар саны – 424 / 71,9%
Аудан мектептері 1032 дана бейне бақылау камераларымен 100% жабдықталған. Оның ішінде сыртқа орнатылған камера саны – 335 / 34,8%, ішке орнатылған камералар саны – 697 / 75,2%
Полиция басқармасының ақпараттық талдау базасына 27 мектептен 487 бейнебақылау камералары қосылды. Оның 162-і сыртта, 325-і ішке орнатылған. Оның ішінде 11 мектепті «Қазақтелеком» АҚ, 16 мектепті «Транстелеком» АҚ интернет желісімен қамтып отыр.
Құрметті ұстаздар!
Қазақтың бас ақыны А.Құнанбаев: «Ұстаздық еткен жалықпас, үйретуден балаға»-дегендей, Сіздердің жас ұрпақтың санасына сыналай енгізетін тәлім-тәрбие, үлгі-өнегелеріңіз өлшеусіз. Сіздер-жастардың болашағын айқындайсыздар,бүгін еккен дәндеріңіз ертеңгі жеңісті-жемісті күннің кепілі. Ұстаздар жайында халқымыздың ұлы батыры Бауыржан Момышұлы «Ұстаздық — ұлы құрмет. Себебі, ұрпақтарды ұстаз тәрбиелейді. Өмірге ұрпақ әкелетін аналарды қалай ардақтасақ,сол ұрпақты тәрбиелейтін ұстаздарды да сондай ардақтауға міндеттіміз» деген болатын.
Ендеше, өз ісіне берілген, жаңалықты жатсынбай қабылдайтын, шәкіртінің жанына нұр құйып,өмірге өзі де бақытты болып,өзгелерді де бақытқа жеткізем деп жүретін ұстаздардың жөні де,жолы да бөлек.
Ұстаз еңбегінің қыр-сыры мол,қиын да жауапты,шығармашылық еңбек екендігін баршамыз мойындаймыз.
Қымбатты да, қадірлі ұстаздар қауымы !
Қоғам мен адамзат алдындағы өлшеусіз еңбектеріңізді ескере отырып, Сіздерге өскелең ұрпақ тәрбиелеудегі өрелі жұмыстар және мемлекеттің гүлденуі жолындағы абыройлы істеріңізге толымды табыс тілеймін. Қызығы мен қиындығы қатар жүретін ұстаздық жолдарыңыз тек өрлеу мен өсуге бағытталсын.
Д.ҚЫДЫРАЛИЕВ,
Түлкібас ауданы білім бөлімі басшысының
міндетін уақытша атқарушы.