Түлкібас ауданында «AMANAT» партиясы аудандық филиалының кезектен тыс LVIII конференциясы өтті. Жиынға «AMANAT» партиясы Түркістан облыстық филиалы төрағасының орынбасары Тұрсынбаев Полат Мұратұлы, Түлкібас ауданы мәслихатының төрағасы Серғали Сәрсенбаев және делегация мүшелері қатысты.
Конференция барысында филиалдың жұмысын жетілдіру және басқару құрылымына өзгерістер енгізу мәселелері қаралды. Күн тәртібінде үш негізгі мәселе қозғалды:
Түлкібас аудандық филиалының төрағасын сайлау
Филиалдың Саяси кеңесі құрамына өзгерістер енгізу
Партиялық бақылау комиссиясының құрамын жаңарту
Конференцияға қатысушылар аталған мәселелер бойынша өз пікірлерін білдіріп, талқылау жүргізді. Нәтижесінде тиісті шешімдер қабылданып, жаңа басшылық құрам бекітілді. Жиын қорытындысы бойынша Жүнісов Ержан Әлиұлы «AMANAT» партиясының Түлкібас аудандық филиалының төрағасы болып сайланды.
Бұл өзгерістер партия филиалының жұмысын жандандырып, аймақтағы ықпалын арттыруға бағытталған.
